بی اے ناصر آئی جی نیشنل ہائی ویز اینڈ موٹروے پولیس تعینات

(بابر شہزاد تُرک) وفاقی حکومت نے پولیس سروس گریڈ 22 کے افسر بی اے ناصر کو آئی جی نیشنل ہائی ویز اینڈ موٹروے پولیس تعینات کیا ہے، اسٹیبلشمنٹ ڈویژن نے تعیناتی کا باضابطہ نوٹیفکیشن جاری کر دیا ہے.

نوٹیفکیشن کے مطابق بی اے ناصر کو گزشتہ ماہ 26 مارچ کو گریڈ 21 سے 22 میں ترقی دینے کے نوٹیفکیشن کے اجراء کے ساتھ ہی ایڈیشنل سیکرٹری وزارتِ مواصلات کے عہدے سے تبدیل کر کے سیکرٹری انسانی حقوق ڈویژن تعینات کئے جانے کا نوٹیفکیشن منسوخ کر کے بی اے ناصر کو آئی جی نیشنل ہائی ویز اینڈ موٹروے پولیس تعینات کیا گیا ہے، اُن کی تعیناتی فوری و تاحکمِ ثانی نافذ العمل ہے.

یاد رہے کہ آئی جی نیشنل ہائی ویز اینڈ موٹروے پولیس کا عہدہ رفعت مختار راجہ کی رواں ماہ 4  اپریل کو بطور ڈی جی، ایف ائی اے تعیناتی کے بعد خالی ہوا تھا.