(24 نیوز)شمالی وزیرستان میں فوجی چوکی پر دہشتگردوں کے حملے میں پاک فوج کا جوان شہید ہو گیا۔
پاک فوج کے شعبہ تعلقات عامہ (آئی ایس پی آر)کے مطابق شمالی وزیرستان کے ضلع گھر یوم میں فوجی چوکی پر دہشتگردوں نے حملہ کیا جس پر پاک فوج کے جوانوں نے دہشتگردوں کو منہ توڑ جواب دیا۔
آئی ایس پی آر کے مطابق دہشتگردوں سے فائرنگ کے تبادلے میں 29 سالہ سپاہی شاہد شہیدہو گیا،شہید ہونے والے سپاہی شاہد کا تعلق بہاولنگر سے تھا۔
آئی ایس پی آر کے مطابق علاقے کو دہشتگردوں سے پاک کرنے کیلئے سکیورٹی فورسز کا کلیئرنس آپریشن جاری ہے، آئی ایس پی آر کاکہناہے کہ پاک فوج دہشتگردی کے ناسور کے خاتمہ کیلئے پرعزم ہے ۔
یہ بھی پڑھیں: ”تم جیتو یا ہارو۔۔۔ہمیں تم سے پیار ہے“صدر پی ایچ ایف کا ارشد ندیم کیلئے بڑا اعلان