معروف اداکارہ الیانا ڈی کروز کی "خفیہ شادی" کی حیرت انگیز تفصیلات

Aug 07, 2023 | 18:44:PM
معروف اداکارہ الیانا ڈی کروز کی
Stay tuned with 24 News HD Android App
Get it on Google Play

 (ویب ڈیسک)بالی ووڈ کی معروف اداکارہ الیانا ڈی کروز کی خفیہ شادی کی حیرت انگیز تفصیلات سامنے آگئیں۔

بھارتی میڈیا رپورٹ کے مطابق سامنے آنے والی تفصیلات میں 1 اگست کو اپنے بیٹے کا استقبال کرنے والی اداکارہ کی کہانی نے نیا موڑ اختیار کیا ہے۔ رپورٹ میں نہ صرف الیاناکے مبینہ شوہر کا نام ظاہر کیا گیا بلکہ اداکارہ کی شادی کی تاریخ بھی سامنے آگئی۔

رپورٹ کے مطابق اداکارہ رواں سال 13 مئی کو مائیکل ڈولن کے ساتھ رشتہ ازدواج میں منسلک ہوئی تھیں۔لیکن قابلِ ذکر بات یہ تھی کہ شادی سے محض چار ہفتے بعد ہی اداکارہ نے سوشل میڈیا کے ذریعے اپنے حمل کا اعلان کرکے تہلکہ مچا دیا تھا۔

رپورٹ میں مزید یہ بھی کہا گیا تھا کہ اسی لمحے الیانا نے سجے ہوئے مقام کے سامنے سفید برائیڈل ڈریس میں اپنی ایک تصویر شیئر کی تھی، تاہم یہ یقینی نہیں ہے کہ یہ تصویر ان کی شادی کی تھی یا کسی فوٹو شوٹ کی تھی۔

یاد رہے کہ اداکارہ نے جون میں اپنے شوہر کی شناخت ظاہر کئے بنا ایک سیاہ اور سفید دھندلی تصویر شیئر کی تھی جس کے کیپشن میں لکھا تھا کہ "حاملہ ہونا ایک خوبصورت نعمت ہے میں نے نہیں سوچا تھا کہ میں اتنی خوش قسمت ہوں گی"۔

تاہم ان سب خبروں کے بعد اداکارہ اب اپنے شوہر مائیکل ڈولن اور نومولود کوا فینکس ڈولن کے ساتھ نئی زندگی میں قدم رکھ چکی ہیں، اداکارہ نے فوٹو اینڈ ویڈیو شیئرنگ پلیٹ فارم انسٹاگرام پر بیٹے کی تصویر شیئر کرتے ہوئے کیپشن میں لکھا کہ "اپنے بیٹے کا دنیا میں استقبال کرنےکی خوشی کو ہم  الفاظ میں بیان نہیں کرسکتے"۔

دیگر کیٹیگریز: انٹرٹینمنٹ
ٹیگز:

متعلقہ خبریں