ایم فل کرنیوالے فوجی افسروں کو الائونس دینے کی تجویز

(24 نیوز)مسلح افواج کے افسروں کو ایم فل الاؤنس دینے کی تجویز، سمری کابینہ میں پیش کی جائے گی ۔
تفصیلات کے مطابق مسلح افواج کے ایم فل کرنے والے افسروں کو 25 سو روپے ماہانہ الاؤنس دینے کی تجویز ہے،اس مقصد کیلئے مسلح افواج نے ایم فل الاؤنس کےلئے سالانہ ایک کروڑ 23 لاکھ روپے مانگ لئے،پاک فوج کے افسروں کو ایم فل الاؤنس کی مد میں 51 لاکھ روپے سالانہ فراہم کئے جائیں گے۔
ذرائع کاکہنا ہے کہ پاک نیوی کے افسروں کو 48 لاکھ روپے سالانہ جاری کئے جائیں گے جبکہ ایئر فورس افسروں کو 23 لاکھ روپے سالانہ دیئے جائیں گے اورایم فل الاؤنس کا اطلاق جولائی 2016 سے ہوگا ۔