سپیڈ گن کی غلطی نے محمد سراج کو دنیا کا تیز ترین باؤلر بنا دیا   

(24  نیوز)سپیڈ گن کی غلطی نے بھارتی فاسٹ باؤلر محمد سراج کو دنیا کا تیز ترین باؤلر بنا دیا۔

ایڈیلیڈ میں آسٹریلیا اور بھارت کے درمیان کھیلے جانے والے دوسرے ٹیسٹ میچ کے پہلے دن  سپیڈ گن میں ٹیکنیکل غلطی دیکھنے میں آئی۔

جمعے کو ٹیسٹ میچ کے پہلے دن 24 ویں اوور میں  سپیڈ گن نے محمد سراج کی گیند کی رفتار ناقابلِ یقین دکھائی جسے دیکھ کر لوگ حیران رہ گئے،سپیڈ گن پر محمد سراج کی گیند کی رفتار 181.6 کے ایم پی ایچ دکھائی گئی،دراصل ایسا  سپیڈ گن میں ٹیکنیکل خرابی کی وجہ سے ہوا۔

واضح رہے کہ کرکٹ کی تاریخ میں سب سے تیز گیند پھینکنے کا ریکارڈ پاکستان کے فاسٹ باؤلر شعیب اختر کے پاس ہے جنہوں نے 161.3 کے ایم پی ایچ کی رفتار سے باؤلنگ کر کے یہ ریکارڈ قائم کیا تھا۔