پرتگال سے جعلی پاسپورٹ پر اسلام آباد آنے والا مسافر گرفتار  

(24 نیوز)اسلام آباد ایئر پورٹ سے جعلی پاسپورٹ ہولڈر مسافر کو گرفتار کر لیا گیا،ملزم فلائٹ نمبر کیو آر 632 کے ذریعے پرتگال سے اسلام آباد پہنچا تھا۔

ایف آئی اے کے ترجمان کے مطابق اسلام آباد ایئر پورٹ سے جعلی پاسپورٹ ہولڈر مسافر کو گرفتار کر لیا گیا،ترجمان کا کہنا ہے کہ ملزم کی شناخت حسن علی کے نام سے ہوئی ہے، جس کا تعلق گجرات سے ہے۔

 ایف آئی اے کے ترجمان نے بتایا ہے کہ ملزم کی جانب سے پیش کیا گیا پاسپورٹ ٹیمپرڈ ہے، ابتدائی تفتیش کے مطابق ملزم نے پرتگال میں ایجنٹ سے پاسپورٹ حاصل کیا تھا۔

ترجمان کا یہ بھی کہنا ہے کہ ملزم کو اینٹی ہیومن ٹریفکنگ سرکل اسلام آباد کے حوالے کر دیا گیا ہے۔