آسٹریلیا : سٹیو اسمتھ نے سالانہ ایوارڈ میں ایلن بارڈر میڈل جیت لیا 

(24 نیوز)آسٹریلیا کے مایہ ناز بیٹسمین سٹیو اسمتھ نے آسٹریلیا کے سالانہ ایوارڈ میں ایلن بارڈر میڈل جیت لیا ہے جبکہ بیتھ مونی نے بیلنڈا کلارک ایوارڈ اپنے نام کیا ہے۔

میڈیا رپورٹ کے مطابق سٹیو  اسمتھ   کو سب سے زیادہ 126ووٹ ملے۔آسٹریلیا کے فاسٹ بالر  پیٹ کمنز  114 ووٹ حاصل کرنے کے بعد دوسرے نمبر پر رہے اور محدود اوور کے کپتان اور بہترین بلے باز آرون فنچ 97 ووٹ حاصل کر سکے اور  وہ تیسرے نمبر  پر رہے۔