سندھ سرکار کابلاول بھٹو زرداری انجینئرنگ کالج کا قیام عمل میں لانے کافیصلہ
Stay tuned with 24 News HD Android App
(24 نیوز)سندھ سرکار نے کراچی کے شہریوں کو علم کے زیور سے آراستہ کرنے کیلئے ایک اور احسن اقدام اٹھا لیا،سندھ سرکار نے بلاول بھٹو زرداری انجینئرنگ کالج کا قیام عمل میں لانے کا فیصلہ کرلیا، بلاول بھٹو زرداری انجینئرنگ کالج کا قیام لیاری میں لایا جائے گا۔
تفصیلات کے مطابق وزیر اعلیٰ سندھ نے پرانے دھوبی گھاٹ کے علاقے میں زمین الاٹ کرنے کی منظوری دے دی ،وزیر اعلیٰ سیکرٹریٹ نے چیف سیکرٹری سندھ کو خط ارسال کردیاہے،چیف سیکرٹری سندھ محکمہ لینڈ یوٹیلائزیشن کو احکامات جاری کریں گے۔
دھوبی گھاٹ کے علاقے میں اراضی کا تعین کرکے زمین کالج کیلئے مختص کی جائے گی ،زمین مختص کرنے کے بعد کالج کی تعمیرات کا کام شروع کیا جائے گا۔