پاکستانی ویڈیو گیمر عاطف بٹ کیلئے بڑا اعزاز، ’کنگ آف آئرن فسٹ‘ کا تاج پہنایا گیا

(ویب ڈیسک) ویڈیو گیم کے ماہر پاکستانی کھلاڑی عاطف بٹ نے نیدرلینڈز میں ہونے والے ’ٹیکن ورلڈ ٹوئر 2022 ویڈیو گیم‘ کا ٹورنامنٹ جیت کر نئے ’کنگ آف دی آئرن فسٹ‘ کا تاج اپنے نام کرلیا۔

ویڈیو گیم پروڈیوسر بندئی نامکو انٹرٹینمنٹ کے ٹیکن ورلڈ ٹوئر سیریز نے انٹرنیشنل آفلائن ٹورنامنٹ کا انعقاد کیا جس میں ’کنگ آف دی آئرن فسٹ‘ کیلئے کھلاڑیوں کے درمیان سخت مقابلہ ہوا۔

???????? @AtifButt540 is your #TWT2022 Champion! pic.twitter.com/TCrU6kNwiv

— Bandai Namco Esports (@BNEesports) February 5, 2023

واضح رہے کہ ’کنگ آف دی آئرن فسٹ‘ ٹورنامنٹ بڑے پیمانے پر مقبول اور کامیاب فائٹنگ ویڈیو گیم فرنچائز ٹیکن کا اہم حصہ ہے۔

Humbled and overwhelmed by all the messages and wishes coming my way! You're all too kind! Thank you so much!!

All of this feels so very unreal, thank you all for everything, upwards and onwards! THIS is just the beginning!

— Ashes | Atif Butt (@AtifButt540) February 5, 2023

ٹیکن ورلڈ ٹوئر سیریز کا آغاز 24 جون کو 16 ریجنز میں ہوا جس میں پاکستان پہلی بار خود ریجن کے طور پر فائنل ٹورنامنٹ کے فائنلز پر پہنچا جو کہ علاقائی سطح پر کوالیفائی کرنے والے 24 کھلاڑیوں کیلئے ایک تقریب تھی۔

Alhamdulillah for everything!
I would like to thank Allah, my family, my friends, @ashesgamingpk and each and everyone of you who supports me and keeps me going! Thankyou all for your prayers!
I'm out of words right now, it's all very surreal!
Pakistan Zindabad! ????????

— Ashes | Atif Butt (@AtifButt540) February 5, 2023

ٹیکن ورلڈ ٹورنامنٹ 2022 گلوبل فائنلز ایمسٹرڈیم میں ہفتہ اور اتوار کو کھیلا گیا تھا۔

بندئی نامکو گیم پروڈیوسر کے ٹوئٹر اکاؤنٹ پر جنوبی کوریا کے کھلاڑی سانگ ہیون کے خلاف عاطف بٹ کے فائنل میچ جیتنے والے لمحات شیئر کیے گئے، جس نے پہلی پوزیشن حاصل کرنے کے ساتھ ساتھ 50 ہزار ڈالر کی انعامی رقم بھی جیتی۔

It’s official – the new King of the Iron Fist is @AtifButt540 ????????

Thanks for watching some Good Ass Tekken - we'll see you at #TWT2023! pic.twitter.com/SopqgO1L7x

— TEKKEN (@TEKKEN) February 5, 2023

گیم ڈیولپر نے ٹوئٹر پر اعلان کیا کہ ’نئے کنگ آف دی آئرن فسٹ عاطف بٹ ہیں‘۔

گوجرانوالہ سے تعلق رکھنے والے عاطف بٹ نے اپنی خوشی کا اظہار کرتے ہوئے کہا کہ ان کے پاس خوشی بیان کرنے کیلئے الفاظ نہیں ہیں اور یہ ان کیلئے ایک حقیقی لمحہ ہے۔

عاطف بٹ نے سماجی رابطوں کی ویب سائٹ پر خود کو ملنے والی مبارک پر سب کا شکریہ ادا کیا۔
انہوں نے ٹوئٹر پر لکھا کہ ’یہ سب حقیقی محسوس نہیں ہو رہا ،آپ سب کا شکریہ، مزید آگے بڑھنا ہے یہ تو ابھی شروعات ہے۔

The road from Lcq to the Grand Final was very difficult. I really wanted to win, but I was sad that I couldn't. Thank you to everyone who supported me. See you next time
Congratulations ! @AtifButt540 pic.twitter.com/RMITVmaThh

— DH.CNJ | JEonDDing (@Jeondding_tk) February 5, 2023

دونوں فائنلسٹ ویڈیو گیمرز نے زبردست مقابلہ کیا جہاں عاطف بٹ کے حریف کھلاڑی نے انہیں جیت پر مبارک باد دی اور کہا کہ ’میں حقیقت میں جیتنا چاہتا تھا، لیکن دکھ ہے کہ ایسا نہیں کر سکا لیکن سب کا شکریہ جنہوں نے مجھے سپورٹ کیا‘۔