(24نیوز) ملک بھر میں کل ہونے والے عام انتخابات میں چار حلقوں میں امیدواروں کی اموات کے باعث پولنگ نہیں ہوگی۔
الیکشن کمیشن کے مطابق ایک قومی اور صوبائی اسمبلی کے 3 حلقوں میں کل الیکشن نہیں ہو گا، این اے 8 اور پی کے 22 باجوڑ میں آزاد امیدوار ریحان زیب خان کے قتل کے باعث الیکشن ملتوی کر دیا گیا ہے۔
پی کے 91 کوہاٹ 2 سے امیدوار عصمت اللہ خٹک کے انتقال کے سبب پولنگ ملتوی، پی پی 266 رحیم یارخان 12 میں امیدوار اسرار حسین کے انتقال پرکل الیکشن نہیں ہوگا۔
مزید پڑھیں: پیپلز پارٹی نے گزشتہ 15 سالوں سے کراچی کو تباہ و برباد کردیا,حافظ نعیم الرحمن
الیکشن کمیشن کے مطابق متعلقہ حلقوں میں الیکشن عام انتخابات کے بعد ہوں گے اور 8 فروری کو الیکشن کے بعد ان حلقوں کے شیڈول کا اعلان کیا جائے گا۔