(24نیوز )وزیرِ اعظم شہباز شریف قذافی سٹیڈیم کا آج افتتاح کریں گے، چیئر مین پی سی بی محسن نقوی وطن واپسی پر فوری قذافی سٹیڈیم پہنچ گئے ۔
چیئرمین پی سی بی محسن نقوی الصبح وطن واپسی پر فوری قذافی سٹیڈیم پہنچ گئے اور افتتاحی تقریب کے انتظامات کا جائزہ لیا۔
ریکارڈ مدت میں تیار ہونے والے قذافی سٹیڈیم کی افتتاحی تقریب آج منعقد ہو رہی ہے، محسن نقوی نے افتتاحی تقریب کے لیے شاندار انتظامات کی ہدایت کی۔
مزید پڑھیں:قومی کرکٹر بابر اعظم کا موبائل فون گم ہوگیا
انہوں نے کہا کہ ایونٹ کو نئے قذافی سٹیڈیم کے شایان شان ہونا چاہیے، آج پاکستان کے لیے فخر کا مقام ہے، ریکارڈ مدت میں قذافی سٹیڈیم کی تعمیر نو کا کام مکمل کرنے کا کریڈٹ پوری ٹیم کو جاتا ہے۔شائقین کرکٹ اور کھلاڑی اسٹیڈیم میں فراہم کردہ جدید سہولتوں سے محظوظ ہوں گے۔
قذافی سٹیڈیم کی رنگا رنگ افتتاحی تقریب میں معروف سنگر آواز کا جادو جگائیں گے۔
لائٹس شو اور ڈھول کا شاندار مظاہرہ ہو گا، قذافی اسٹیڈیم کی افتتاحی تقریب میں کرکٹ فینز کے لیے داخلہ فری ہو گا۔