معروف بالی ووڈ اداکارسونو سود کے وارنٹ گرفتاری جاری

(ویب ڈیسک)معروف بالی ووڈ اداکار سونو سود کے وارنٹِ گرفتاری جاری کر دیئے گئے۔

بھارتی پنجاب کے جوڈیشل مجسٹریٹ نے 51 سالہ سونو سود کے مبینہ مالی فراڈ میں ملوث ہونے کے کیس میں وارنٹِ گرفتاری جاری کیے۔

اداکار کو مبینہ مالی فراڈ کیس میں عدالت طلب کیا گیا تھا،تاہم ان کے پیش نہ ہونے کے بعد وارنٹِ گرفتاری جاری کردیئے گئے،اس کیس کی اگلی سماعت 10 فروری کو ہو گی۔

بھارتی میڈیا کے مطابق لدھیانہ کے وکیل راجیش کھنہ نے موہت شکلا نامی شخص کے خلاف یہ مقدمہ دائر کیا ہے جس میں الزام لگایا گیا ہے کہ مجھے جعلی سرمایہ کاری کرنے کا لالچ دیا گیا۔

یہ بھی پڑھیں:بھارتی فلموں میں ساؤتھ انڈین ادکاراؤں کا راج، بالی ووڈ اداکاروں کا کیرئیر خطرے میں

بھارتی میڈیا کے مطابق اس کیس میں اداکار سونو سود پر بالواسطہ طور پر ملوث ہونے کا الزام عائد کیا گیا ہے۔