(ویب ڈیسک)سائبر کرائم کے حوالے سے سیکیورٹی ماہرین نے عوام الناس کو خبردار کیا ہے کہ ہیکرز یا جرائم پیشہ افراد کسی کا بھی جی میل اکاؤنٹ کو باآسانی استعمال کرسکتے ہیں۔
غیر ملکی خبر رساں ایجنسی کے مطابق سیکیورٹی محققین نے جی میل میں ایک ایسا سقم دریافت کر لیا جس کے ذریعے بغیر پاسورڈ کے کسی بھی جیل میل تک رسائی حاصل کی جا سکتی ہے۔
سیکیورٹی کمپنی کلاؤڈ ایس ای کے نے انکشاف کیا کہ ایک خطرناک قسم کا میلویئر ثالث فریق کوکیز کا استعمال کرتے ہوئے لوگوں کے نجی ڈیٹا تک غیر قانونی رسائی حاصل کر سکتا ہے اور اس کو ہیکنگ گروپ پہلے ہی آزما چکے ہیں۔
واضح رہے کہ اسی طرح کا ایک انکشاف اس سے قبل اکتوبر 2023 میں ایک ہیکر نے ٹیلی گرام پر کیا تھا، کوکیز سے جڑی کمزوریوں کو ذریعہ بنا کر اکاؤنٹس تک رسائی حاصل کی جاسکتی ہے۔
یہ بھی پڑھیں: سام سنگ کامصنوعی ذہانت والاجدید فون لانچ کرنے کا اعلان
رپورٹ کے مطابق گوگل تصدیقی کوکیز صارفین کو بار بار ان کی لاگ ان تفصیلات درج کیے بغیر ان کے اکاؤنٹ تک رسائی دیتے ہیں۔ تاہم ہیکرز نے ایسا راستہ تلاش کر لیا ہے جس کو استعمال کرتے ہوئے وہ ان کوکیز کو حاصل کر لیتے ہیں تاکہ دو جہتی تصدیقی مرحلے سے بچا جا سکے۔
واضح رہے دنیا کا سب سے مشہور ویب براؤزر گوگل کروم اس وقت تھرڈ پارٹی کوکیز کے خلاف کریک ڈاؤن کر رہا ہے۔