چین میں ایک کے بعد ایک 6 زلزلے، ہلاک ہونے والوں کی تعداد 53 ہوگئی
کئی لوگوں کےملبے تلے دب جانے کی اطلاعات،زلزلہ کی گہرائی 10 کلو میٹر تھی،بھارت، نیپال،بھوٹان اور بنگلہ دیش میں بھی جھٹکے
Stay tuned with 24 News HD Android App
(24 نیوز )چین کے علاقے تبت میں ایک کے بعد ایک 6 بڑے زلزلوں کے نتیجے میں ہلاک ہونے والوں کی تعداد میں اضافہ ہوگیا، طاقتور زلزلے کے جھٹکوں سے کم از کم 53 افراد ہلاک اور 62 افراد زخمی ہو گئے۔
چین کے علاقے تبت میں7.1 شدت کے شدید زلزلہ سے کم از کم 53 افراد کی ہلاکت اور 62 افراد کے زخمی ہونے کی تصدیق سامنے آئی ہے۔
ایک کے بعد ایک 6 بڑے زلزلوں جس کی شدت7.1 ریکارڈ کی گئی سے کئی عمارتیں زمین بوس ہو گئیں ،کئی لوگ ملبے تلے دبے ہونے کی اطلاعات ہیں ۔
زلزلے کا مرکز تبت کے دارالحکومت لہاسا سے80 کلومیٹر دور تھا جس کی گہرائی 10 کلومیٹرتھی۔
بین الاقوامی میڈیا کی رپورٹس کے مطابق صبح چین کے علاقے تبت، نیپال، بھارت کے شمال اور شمال مشرقی علاقوں میں زلزلے کے شدید جھٹکے محسوس کیے گئے۔
بین الاقوامی میڈیا کے مطابق چین کے مقامی وقت کے مطابق زلزلہ صبح 9 بج کر 5 منٹ پر آیا۔
بھارت، نیپال، بھوٹان اور بنگلہ دیش میں بھی زلزلے کے جھٹکے محسوس کیے گئے۔
چین کے زلزلہ نیٹ ورک سینٹر کے مطابق چین میں اس کی شدت 6.8 ریکارڈ کی گئی جس کی گہرائی 10 کلو میٹر بتائی جا رہی ہے۔
چینی نیوز ایجنسی کے مطابق تبت کی ٹنگری کاؤنٹی میں گاؤں میں گھروں کے گرنے سے شہریوں کے ہلاک و زخمی ہونے کی اطلاعات ہیں۔
مزید پڑھیں:ژوب میں زلزلے کے جھٹکے
بھوٹان، نیپال، بھارت، بنگلہ دیش میں بھی زلزلے کے جھٹکے محسوس کئے گئے، کھٹمنڈو وادی سمیت نیپال کے مختلف حصوں میں منگل کی صبح زلزلے کے شدید جھٹکے محسوس کیے گئے جس کے نتیجے میں شہری خوف و ہراس کے عالم میں اپنے گھروں سے باہر نکل آئے۔
مزید پڑھیں :برفانی طوفان، 7 امریکی ریاستوں میں ایمرجنسی
بھارتی ریاست بہار میں آنے والے زلزلے کی شدت 5.1 رہی۔
بھارتی مقامی وقت کے مطابق زلزلہ صبح 6 بج کر 40 منٹ پر آیا جس کی شدت سے 5 سیکنڈ تک عمارتیں لرزتی رہیں، تاحال کسی جانی اور مالی نقصان کی اطلاعات موصول نہیں ہوئی ہیں۔
امریکی جیولوجیکل سروے کے مطابق زلزلے کی شدت 7.1 ریکارڈ کی گئی ہے۔
دوسری جانب پاکستان نے چین میں زلزلے سے قیمتی انسانی جانوں کے ضیاع پر گہرے دکھ اور افسوس کا اظہار کیا ہے۔
ترجمان دفتر خارجہ کی جانب سے جاری ایک بیان میں کہا گیا کہ پاکستان چین میں زلزلے سے ہونے والے المناک جانی نقصان پر دلی تعزیت کا اظہار کرتا ہے، زخمیوں اور لاپتہ افراد کے ساتھ ہماری ہمدردیاں ہیں، جاری امدادی کارروائیوں کے لئے نیک خواہشات کا اظہار کرتے ہیں۔