"سیلفی کا جنون 3 لڑکیوں کی جان لے گیا"

 (ویب ڈیسک) آج کل سیلفی  لینےکا شوق تقریباً ہر لڑکا اور لڑکی میں پایا جاتا ہے،بھارتی شہر تلنگانہ میں سیلفی لینے کے دوران دو بہنوں سمیت تین لڑکیاں ڈوب کر جان سے ہاتھ دھو بیٹھیں۔

بھارتی میڈیا کے مطابق تلنگانہ کے ایک گاؤں میں ایک ہی خاندان کی تین لڑکیاں زرعی فارم کے ٹینک میں سیلفی لیتے ہوئے ڈوب کر ہلاک ہو گئیں۔ ہلاک ہونے والی لڑکیوں میں 16 سالہ الیمی سنیتا، اس کی بہن 14 سالہ ویشالی اور ان کی کزن 14 سالہ انجلی شامل ہیں۔

تینوں لڑکیاں سوشل میڈیا پر تصاویر شیئر کرنے کے لئے اچھی تصویر بنانے کی کوشش کر رہی تھیں۔لڑکیاں وقت گزارنے کے لئے اپنی والدہ اور کزن کے ہمراہ اتوار کو اپنے زرعی فارم پر گئیں جہاں وہ اپنے موبائل فون سے تصاویر لے رہی تھیں کہ اچانک زرعی فارم کے ٹینک میں جا گریں جس کی وجہ سے تینوں زندگی کی بازی ہار گئیں۔

یہ بھی پڑھیں: شہنشاہ جذبات اداکار دلیپ کمار آج صبح اتنقال کر گئے