(24نیوز)لیجنڈری بالی ووڈ اسٹار دلیپ کمار (یوسف خان)کے انتقال پر ان کی اہلیہ سائرہ بانو سے تعزیت کرنے کے لئے معروف شخصیات ان کے گھر پہنچ گئیں۔
دلیپ کمار کے ہمراہ بے شمار فلموں میں ساتھ اداکاری کے جوہر دکھانے والے دھرمندر بھی سائرہ بانو سے تعزیت کرنے ان کے گھر پہنچے۔
انیل کپور سائرہ بانو سے ملاقات کیلئے جاتے ہوئے،
شبانہ اعظمی انوپم کھیر ، کرن جوہر، ودیا بالن اپنے شوہر کے ساتھ اور دیگر فلمسٹار دلیپ کمار کی رہائش گاہ پہنچ گئے۔
واضح رہے کہ بالی ووڈ فلم نگری پر طویل عرصے تک راج کرنے والے لیجنڈری اداکار یوسف خان المعروف دلیپ کمار 98 سال کی عُمر میں انتقال کر گئے ہیں۔لیجنڈری اداکار دلیپ کمار گزشتہ کئی برسوں سے بیمار تھے جس کی وجہ سے اُنہیں اکثر معائنے کے لیے اسپتال منتقل کیا جاتا تھا