اسلام آباد ہائیکنگ ٹریلز میں سگریٹ نوشی پر پابندی عائد، جرم تصور کی جائے گی

(ویب ڈیسک )اسلام آباد کے مارگلہ ہلز نیشنل پارک کےجنگلا ت میں لگنے  والی آگ پرقابو پانے کیلئے حکومت نے ہائیکنگ ٹریلز میں سگریٹ نوشی پر پابندی عائد کر دی ۔ 

تفصیلات کے مطابق کیپٹل ڈویلپمنٹ اتھارٹی (سی ڈی اے) کے چیئرمین نور الامین مینگل نے سماجی رابطوں کی ویب سائیٹ ٹویٹر پر پیغام جاری کرتے ہوئے کہا کہ اسلام آباد میں ہائیکنگ کے تمام راستوں پر سگریٹ نوشی جرم تصور کی جائے گی , تمام ٹریلز کو سموک فری زون قرار دیا گیا ہے۔

Smoking on all hiking trails in Islamabad will be considered as a crime. All trails are declared smoke free zones here onwards.

— Noor Ul Amin Mengal (@Noormengal_) July 5, 2023

واضح رہے کہ  سال کے شروع میں سی ڈی اے نے مارگلہ کی پہاڑیوں میں جنگلات میں آگ لگنے، کوڑا کرکٹ پھینکنے اور فضائی آلودگی کو روکنے کے لیے تمام تفریحی سرگرمیوں پر پابندی عائد کر دی تھی، اپریل میں، ایڈیشنل ڈسٹرکٹ مجسٹریٹ نے مارگلہ ہلز نیشنل پارک میں اس علاقے میں بڑے پیمانے پر آگ لگنے کے بعد دفعہ 144 نافذ کر دی تھی ،گزشتہ سال اگست میں، کیپٹل ڈویلپمنٹ اتھارٹی (سی ڈی اے) کے انوائرمنٹ ونگ نے مارگلہ کی پہاڑیوں میں پیدل سفر کرنے والوں اور سیاحوں کے لیے ایک نئی ہائیکنگ ٹریل کھولی۔