پرویز الٰہی نے حکومت کو بڑا مشورہ دے دیا

(ویب ڈیسک) سپیکر پنجاب اسمبلی اور پاکستان مسلم لیگ ق کے رہنما چودھری پرویز الٰہی نے کہا ہے کہ حکمران عوامی مسائل پر ڈلیور کرنے کی صلاحیت ہی نہیں رکھتے۔ حکمران گھر جانے کی تیاری کریں اور انتخابات کا اعلان کیا جائے۔

سپیکر پنجاب اسمبلی سے تحریک انصاف کے ارکان پنجاب اسمبلی اور سابق وزرا نے ملاقات کی۔ ملاقات کرنے والوں میں سابق صوبائی وزرا سردار آصف نکئی، محمد اخلاق، سردار وسیم خان بادوزئی، ایم پی اے وسیم گوندل، ایم پی اے رانا شہباز شامل تھے۔ ملاقات میں سیاسی، معاشی صورتحال اور عوامی مشکلات پر تبادلہ خیال کیا گیا۔

پاکستان مسلم لیگ ق کے رہنما نے کہا کہ پٹرول، بجلی گیس مہنگی کرنے کے بعد حکمران آئندہ بجٹ میں مزید ٹیکس لگانے اور سبسڈیز واپس لینے کی تیاری کر رہے ہیں۔

وفاق کو شہباز شریف اور پنجاب کو حمزہ شہباز نے معاشی طور پر تباہی سے دو چار کر دیا ہے۔

یہ بھی پڑھیں:پٹرول مزیدمہنگا ، وزیرخزانہ نے خبر دا ر کردیا 

پرویز الہی نے کہا کہ موجودہ حکومت کے پاس عوامی مسائل کے حل کا کوئی ویژن ہی نہیں۔ معاشی صورتحال روز بروز بدتر اور امپورٹد حکومت کے ہاتھ سے نکل رہی ہے۔

عوام کو ہر روز نئے اشیائے ضرور یہ کی قیمتوں میں اضافے کا سامنا ہے۔ حکمران عوامی مسائل پر ڈلیور کرنے کی صلاحیت ہی نہیں رکھتے۔ 

حکمران گھر جانے کی تیاری کریں اور انتخابات کا اعلان کیا جائے۔ چند ہفتوں میں عوام نے ان حکمرانوں کی تجربہ کاری دیکھ لی ہے۔ انہوں نے سوال کیا کہ پٹرول 60 روپے، گیس اور بجلی کی قیمتیں بڑھانے کے علاوہ حکومت نے کیا کیا ہے؟