اداکار احسن خان کے ہاں ننھی پری کی آمد
Stay tuned with 24 News HD Android App
(ویب ڈیسک) پاکستان شوبز انڈسٹری کے ورسٹائل اداکار و میزبان احسن خان کے ہاں ننھی پری کی آمد ہوئی ہے۔
مختلف سوشل میڈیا پیجز پر وائرل پوسٹ کے مطابق اداکار احسن خان اور ان کی اہلیہ فاطمہ کے گھر بیٹی کی پیدائش ہوئی ہے۔
وائرل پوسٹ میں شیئر کی گئی تصویر میں احسن خان کو اپنی نومولود بیٹی کے ہمراہ دیکھا جاسکتا ہے۔ خیال رہے کہ احسن خان نے اس حوالے سے سوشل میڈیا پر خود کوئی پوسٹ شیئر نہیں کی۔
View this post on Instagram
تاہم ان بلاگر اور رائٹر فیصل کپاڈیا نے اپنے انسٹاگرام پر احسن اور ان کی نومولود بیٹی کی تصویر شیئر کرتے ہوئے یہ خبر ان کے مداحوں کو دی اور اداکار کو مبارک باد پیش کی۔
انہوں نے لکھا کہ میں اپنی بھتیجی کو دنیا میں آمد پر خوش آمدید کہتا ہوں اور احسن خان اور ان کی اہلیہ فاطمہ کو بہت مبارکباد۔
View this post on Instagram
سوشل میڈیا پر خبر وائرل ہونے کے بعد اداکار اور ان کے اہل خانہ کے لئے نیک خواہشات اور مبارک باد کا سلسلہ شروع ہوگیا ہے۔
مزید پڑھیں: ’ہیلو فرینڈز، چائے پی لو‘عرفی جاوید کا انوکھے ٹی بیگز سے بنا لباس، ویڈیو وائرل
واضح رہے کہ اداکار احسن خان کے اس سے قبل دو بیٹے اور ایک بیٹی ہے، یہ ان کی چوتھی اولاد اور دوسری بیٹی ہے۔