(24 نیوز) وفاقی وزیر احسان مزاری سے پاکستان کرکٹ بورڈ کے سابق چیئرمین ذکا اشرف نے ملاقات کی۔ ملاقات میں کرکٹ سے متعلق امور پر تفصیلی تبادلہ خیال کیا۔
پاکستان کرکٹ بورڈ کے سابق چیئرمین ذکا اشرف نے وفاقی وزیر احسان مزاری سے ملاقات کی۔ ملاقات میں پاکستان کرکٹ بورڈ کے آئندہ کے سیٹ اپ سے متعلق امور بات مشاورت کی۔
وفاقی وزیر بین الصوبائی رابطہ احسان مزاری نے کہا کہ نیا سیٹ اپ کرکٹ کی ترقی اور خوشحالی کیلئے کام کرے گا، کرکٹ پاکستان کا مقبول ترین کھیل ہے، ذکا اشرف نے بطور پی سی بی چیئرمین اپنے دور میں شاندار خدمات سر انجام دیں۔
یہ بھی پڑھیں: سری لنکا، بنگلہ دیش اور افغانستان اگر پاکستان کی میزبانی کے خلاف جائیں تو پی سی بی بھی انکی مخالفت کرے: وہاب ریاض
احسان مزاری کا چوہدری ذکا اشرف کیلئے نیک خواہشات کا اظہار کرتے ہوئے مزید کہنا تھا کہ پی ایس ایل کے آغاز میں ذکا اشرف کا کلیدی کردار رہا ، پی ایس ایل دنیا کی بہترین کرکٹ لیگ بنے گی۔