190 ملین پاونڈ سکینڈل، نیب نے ایکسائز کو خط لکھ دیا

(24 نیوز )نیشنل کرائم ایجنسی سے ملنے والے ایک سو نوے ملین پاونڈ سکینڈل کی تحقیقات میں اہم پیشرفت سامنے آئی ہے۔ 

تفصیلات کے مطابق  نیب نے ایکسائز کے ملک بھر میں موجود دفاتر کو خط لکھ دیا ہے ،خط میں چیئرمین پی ٹی آئی، بشریٰ بی بی، زلفی بخاری اور شہزاد اکبر کی ملکیتی گاڑیوں کا ریکارڈ طلب کیا گیا ہے، ایکسائز اسلام آباد نے رجسٹرڈ گاڑیوں کا ریکارڈ نیب کے سپرد کر دیا ہے، چیئرمین پی ٹی آئی کے نام ایک 1300 سی سی گاڑی رجسٹرڈ ہے،زلفی بخاری کےنام سے 5 ہزار سی سی لگژری گاڑی رجسٹرڈ ہے، شہزاد اکبر کے نام پر اسلام آباد میں 3 گاڑیاں رجسٹرڈ ہیں، بشریٰ بی بی اور فرح گوگی کے نام سے کوئی گاڑی اسلام آباد میں رجسٹرڈ نہیں۔

یہ بھی پڑھیں:سپریم کورٹ میں ارشد شریف قتل ازخود نوٹس سماعت کیلئے مقرر