رمضان افطار سپیشل میں آج منفرد روٹی پکوڑا چاٹ کا لطف اٹھائیں

(24 نیوز)رمضان کے مقدس مہینے میں افطاری کے وقت کچھ خاص اور لذیذ چیز کھانے کا مزہ ہی الگ ہوتا ہے اگر آپ افطاری کے لیے ایک مزیدار، آسان اور چٹ پٹی چاٹ کی تلاش میں ہیں تو روٹی پکوڑا چاٹ آپ کی افطاری کو خاص بنا سکتی ہے۔

سلائس کے ٹکڑوں میں آلو کا بھرپور مکسچر، پودینے کی چٹنی، املی کی چٹنی اور سیو کے ساتھ تیار ہونے والی یہ چاٹ افطاری میں ایک دلکش اضافہ ہے۔

تلی ہوئی روٹی کے کرسپ اور چٹنیوں کا ذائقہ ہر کسی کے دل کو خوش کردے گا تو اس رمضان، افطاری کے دوران اس مزیدار روٹی پکوڑا چاٹ سے اپنے دسترخوان کو سجائیں اور اپنے خاندان کے ساتھ اس کا مزہ لیں۔

اجزا
4 بریڈ کے سلائس
3-4 چھوٹے اُبلے ہوئے آلو
2 سبز مرچیں (باریک کٹی ہوئی)
نمک حسب ذائقہ
کالا نمک حسب ذائقہ
1/2 چمچ گرم مسالہ
1 کپ بیسن
1/2 چمچ لال مرچ پاؤڈر
1 چمچ پودینے کی چٹنی
1 چمچ املی کی چٹنی
1 چمچ سیو
1 چمچ پھینٹی ہوئی دہی
1/2 چمچ انار کے دانے
تلنےکے لیے تیل
ترکیب

آلو کا مکسچر تیار کریں: ایک پیالے میں اُبلے ہوئے آلو، سبز مرچیں، نمک، لال مرچ پاؤڈر اور گرم مسالہ ڈال کر اچھی طرح میش کریں۔

بریڈ میں آلو کا مکسچر بھریں: اب آلو کا مکسچربریڈ کے دو ٹکڑوں میں اچھی طرح بھر کر ان کو بند کرلیں۔

بیٹر تیار کریں: ایک پیالے میں بیسن، نمک اور پانی ڈال کر بیٹر تیار کریں۔ یاد رکھیں کہ بیٹر گاڑھا ہو۔

روٹی پکوڑے فرائی کریں: آلو سے بھرے ہوئے روٹی کے ٹکڑوں کو بیٹر میں ڈبو کر گہرے تیل میں سنہری اور کرسپ ہونے تک تل لیں ک۔

پکوڑے کاٹ کر چاٹ تیار کریں: تلے ہوئے روٹی پکوڑوں کو چار برابر حصوں میں کاٹ کر ایک پلیٹ میں رکھیں۔ ان پر پودینے کی چٹنی اور املی کی چٹنی ڈالیں۔

سجاوٹ کریں: اس پر سیو، انار کے دانے، دھنیا پتے اور چاٹ مسالہ چھڑک کر مزیدار روٹی پاکورا چاٹ تیار کریں۔

دوبارہ عمل دہرائیں: باقی بچی ہوئی روٹی پکوڑوں کے ساتھ یہی عمل دہرائیں۔