او آئی سی کونسل برائے وزرائے خارجہ کا غیرمعمولی اجلاس آج ہوگا
Stay tuned with 24 News HD Android App
(انور عباس)او آئی سی کونسل برائے وزرائے خارجہ کا غیرمعمولی اجلاس آج رات ساڑھے 11 بجے جدہ سعودی عرب میں منعقد ہوگا، اجلاس ان کیمرہ ہونے کے باعث لائیو نشر نہیں کیا جائے گا۔
اجلاس شروع ہونے کے ایک گھنٹہ بعد اراکین کے خطابات کا سلسلہ شروع ہوگا، اجلاس میں پاکستان کی نمائندگی نائب وزیراعظم اسحاق ڈار کریں گے۔
اسحاق ڈار کے او آئی سی کونسل برائے وزرائے خارجہ اجلاس سے خطاب کی ریکارڈنگ پی ٹی وی پر نشر کی جائے گی۔
او آئی سی وزرائے خارجہ کونسل غیرمعمولی اجلاس فلسطین کی بگڑتی ہوئی صورتحال، اسرائیلی جارحیت کے نتیجے میں پیدا ہونے والے انسانی بحران پر منعقد ہو رہا ہے۔
اجلاس میں فلسطینیوں کو ان کے آبائی وطن سے بے دخل کرنے کی غیر قانونی اور غیراخلاقی تجاویز پر بھی تبادلہ خیال ہوگا۔
کانفرنس میں نائب وزیراعظم فلسطینی عوام اور ان کے جائز مؤقف کے لیے پاکستان کی غیر متزلزل حمایت کا اعادہ کریں گے۔