بلاول بھٹو زرداری سے امریکا کی پاکستان میں چارج ڈی افیئر نٹالی اے بیکر کی ملاقات

 (روزینہ علی )چیئرمین پیپلزپارٹی بلاول بھٹو زرداری سے امریکا کی پاکستان میں چارج ڈی افیئر نٹالی اے بیکر نے زرداری ہاؤس میں ملاقات کی۔

بلاول بھٹو زرداری اور  نٹالی اے بیکر کے درمیان دوطرفہ تعلقات میں فروغ،  خطے میں قیام امن سے متعلق امور پر بات چیت کی گئی۔

دونوں رہنماوں نے  پاک امریکا تجارتی و معاشی تعلقات میں اضافے پر بھی اتفاق کیا۔

 دریں اثنا بلاول بھٹو زرداری سے پاکستان میں فرانس کے سفیر نکولس گالے نے بھی ملاقات کی ،  دوطرفہ تعلقات میں اضافے پر بات چیت کی گئی۔

اس موقع پر بلاول بھٹو زرداری نےکہا کہ پاکستان اور فرانس کے درمیان تجارتی تعلقات میں مزید فروغ ضروری ہے۔