(ویب رپورٹ)نوبل امن انعام 2025 کی نامزدگیوں کے لیے 338 ناموں کی سفارش، جن میں 244 افراد اور 94 تنظیمیں شامل ہیں، ان میں ڈونلڈ ٹرمپ، پوپ فرانسس، سابق نیٹو سربراہ جینز اسٹولٹن برگ اور ایک دلیر فرانسیسی خاتون بھی شامل ہیں۔
نارویجن نوبیل انسٹی ٹیوٹ کے مطابق اس سال کی نامزدگیوں کے لیے 338 ناموں کی سفارش آئی ہیں جن میں 244 افراد اور 94 تنظیمیں ہیں۔ان افراد میں ایک خاتون کو نامزد کرنے کی سفارش کی گئی ہے جن کے شوہر نے 72 اجنبیوں سے ان کی جنسی زیادتی کروائی تھی۔اگرچہ ان نامزدگیوں کی تفصیلات خفیہ رکھی جاتی ہیں لیکن جن اہم شخصیات کا ذکر کیا جا رہا ہے ان میں ڈونلڈ ٹرمپ، پوپ فرانسس، سابق نیٹو سربراہ جینز اسٹولٹن برگ اور ایک دلیر فرانسیسی خاتون بھی شامل ہیں۔یہ بہادر فرانسیسی خاتون وہی ہیں جن کے شوہر نے انھیں نشہ آور مشروبات پلا کر 72 اجنبیوں سے جنسی زیادتی کروائی تھی اور اس کی ویڈیوز بھی بنائی تھیں۔فرانسیسی خاتون جیزیل پیلیکوت کو نوبل امن انعام دینے کی اپیل کی ایک درخواست پر برطانیہ میں ہزاروں شہریوں نے دستخط کئے ہیں۔درخواست میں کہا گیا ہے کہ جیزیل پیلیکوت نے اپنے سابق شوہر کے مقدمے کے دوران عوامی سطح پر آکر اس مکروہ عمل کے خلاف جدوجہد کی اور متاثرہ خواتین کے لیے مثال بنیں۔لوگوں نے اس بہادر خاتون کو نوبل انعام دینے کی اپیل کی ہے۔
یہ بھی پڑھیں:واٹس گروپ سے نکالنے پر ملزم نے فائرنگ کرکے ایڈمن کو قتل کردیا