احمد شہزاد نے ٹیم میں واپسی کے امکان کو رد کر دیا

(24 نیوز)قومی کرکٹ ٹیم کے سابق اوپنر احمد شہزاد نے ٹیم میں واپسی کے امکان کو رد کر دیا۔

نجی ٹی وی کے شو میں گفتگو کرتے ہوئے انہوں نے کہا کہ جتنا کچھ میں بول چکا ہوں، مشکل ہے کہ اب میری قومی ٹیم میں واپسی ہو۔

انھوں ںے کہا کہ اس ملک میں زیادہ سچ نہیں بولنا چاہیے کیونکہ اس کے نتائج بھگتنے پڑتے ہیں، میری آواز اٹھانے سے اگر کوئی نوجوان کرکٹر کو فائدہ ہو جائے اسی میں میری جیت ہے۔

احمد شہزاد کے مطابق خوبصورتی اور اچھی ڈریسنگ سینئرز سے برداشت نہیں ہوتی، ان کا کہنا تھا کہ کرکٹ میں بہت سارے مسائل ہیں جنہیں درست کرنے کی ضرورت ہے۔

سابق کرکٹرنے کہا کہ  اس کے بعد اگر سیلیکشن کمیٹی میں جگہ ملی تو ضرور کروں گا، پاکستان کرکٹ بورڈ کو ٹھیک کرنے کے لیے تین چار لوگ ہی چاہیے جو اس کا نظام درست کر دیں گے۔