ہیرے جواہرات سے بھرے قدیم تاج میں کتنے جواہرات جڑے ہیں؟

(ویب ڈیسک) برطانیہ کے نئے بادشاہ چارلس سوم کو 360سالہ قدیم سینٹ ایڈورڈ تاج پہنا دیا گیا، وہ یہ تاج پہننے والے ساتویں شاہی سربراہ ہیں۔ مذکورہ تاج انتہائی قیمتی پتھروں اور جواہرات سے مزین ہے۔          

امپیریل سٹیٹ کراؤن سال 1937 میں ملکہ الزبتھ دوئم کے والد شاہ جارج ششم کی تاج پوشی کے لیے تیار کیا گیا تھا۔ اس تاج میں دیگر قیمتی پتھروں کے علاوہ دو ہزار سے زائد ہیرے جڑے ہوئے ہیں۔

???? A reminder that we’ll be streaming today’s #Coronation Coronation Service live on YouTube from 10.25 BST.

????https://t.co/cltm4gC2DI pic.twitter.com/YEJxmmmNkf

— The Royal Family (@RoyalFamily) May 6, 2023

سینٹ ایڈورڈ تاج ٹھوس 22 کیرٹ سونے سے بنا ہوا ہے، تاج میں نیلم، یاقوت اور پکھراج سمیت 444جواہرات اور قیمتی پتھر جڑے ہیں۔ مذکورہ تاج 30 سینٹی میٹرسے زیادہ لمبا ہے اور اس کا وزن دو کلوگرام سے زائد ہے۔

ہیرے اور سونے کے چمکتے دمکتے تاج کو اگلے بادشاہ کی تاجپوشی کے لیے محفوظ کردیا جائے گا۔

مزید پڑھیں: برطانیہ کے بادشاہ چارلس سوم کو تاج پہنا دیا گیا

بکنگھم پیلس کی جانب سے تو تاج پوشی کی تقریب پر ہونے والے اخراجات کے اعداد و شمار جاری نہیں کیے گئے تاہم سی این بی سی کی رپورٹ کے مطابق اس تقریب پر 6 کروڑ 30 لاکھ سے ساڑھے 12 کروڑ ڈالرز (17 سے 35 ارب پاکستانی روپے سے زائد) کا خرچہ کیا گیا۔

یاد رہے کہ 1953میں ملکہ الزبتھ دوم کی تاج پوشی کی تقریب میں 15 لاکھ پاؤنڈ سے زیادہ رقم خرچ کی گئی تھی جو موجودہ عہد میں 6 کروڑ ڈالرز سے زیادہ رقم بنتی ہے۔