(اقبال صادق) تھل کے صحراؤں میں 4 روزہ نوویں تھل ڈیزرٹ جیپ ریلی کا رنگارنگ میلہ آج سجنے کو تیارہے۔
آج گاڑیوں کی رجسٹریشن انسپکشن، اور ٹیگنگ اور ڈرائیورز کا میڈیکل ہو گا، ریلی میں 100 سے زائد ریسرز حصہ لیکر صحرا میں اپنے جوہر دکھائیں گے۔
ایونٹ کے کامیاب انعقاد کیلئے سکیورٹی کے انتظامات مکمل کر لئے گئے ہیں ، میڈیکل کیمپ بھی لگا دیئے گئے ہیں۔
دوسرے روز 8 نومبر کو تمام کیٹیگریز کے کوالیفائنگ راونڈ منعقد کئے جائیں گے ، جیپ ریلی کے تیسرے روز 9 نومبر کو سٹاک کیٹیگری کے مقابلے ہونگے۔
آخری روز 10نومبر کو پری پئیرڈ کیٹیگری، خواتین کیٹگری اور بائیکس کے مقابلے ہونگے۔ ضلع کوٹ ادو اور لیہ میں دو اضلاع کے درمیان تقریبا 200 کلومیٹر کا ٹریک تیار ہے
جیپ ریلی میں پہلی مرتبہ غیر ملکی ڈرائیور بھی مقابلہ کرتے ہوئے نظر آئیں گے جبکہ 100 سے زائد مرد و خواتین ڈرائیورز 13 مختلف کٹیگریز میں جوہر دکھائیں گے۔