(24 نیوز) ویسٹ انڈیز اور انگلینڈ کے درمیان کھیلے جانیوالے تیسرے اور فیصلہ کن ون ڈے میں ویسٹ انڈین باؤلر الزاری جوزف کپتان سے لفظی جنگ کے بعد میدان سے باہر آگئے۔
میچ کے دوران ویسٹ انڈیز کے باؤلر الزاری جوزف اور کپتان شائی ہوپ کے درمیان شدید تکرار دیکھنے میں آئی جس کے بعد باؤلر غصہ میں میدان سے باہر نکل گئے۔
ہیڈ کوچ ڈیرن سیمی نے بائونڈری لائن پر الزاری کو روکنے کی کوشش کی جو ناکام ہوگئی۔فیصلہ کن تیسرے و آخری ون ڈے ویسٹ انڈیز نے 8 وکٹوں سے کامیابی حاصل کرتے ہوئے سیریز اپنے نام کر لی۔