چینی کے بعد چائے کی پتی بھی سستی

(وقاص عظیم )حکومت کی جانب سے عوام کو ریلیف دینے کیلئے اقدامات کا سلسلہ جاری ہے ، جس کے تحت یوٹیلیٹی سٹورز پر پہلے  چینی کی قیمت میں کمی کی گئی اور  اب چائے  کی پتی کی قیمت بھی کم کردی   گئی ہے ۔

ذرائع  کے مطابق مختلف برانڈزکی چائے کی پتی 250روپے تک سستی کی گئی ہے ،800 گرام چائے پتی کی قیمت میں 200 سے 250 روپے کمی کی گئی ہے جس کے بعد 800 گرام چائے پتی کی نئی قیمت1350سےلیکر1721روپے  تک ہو گئی ،430 گرام چائے پتی کی قیمت میں 130 سے 190 روپے تک کی کمی کی گئی ہے جس کے بعد 430 گرام چائے پتی کی نئی قیمت 700سے لیکر908 روپے مقرر کی گئی ہے ، قیمتوں میں کمی کا اطلاق فوری طور پر کیا جائے گا۔