جیمز بانڈ اسٹار ڈینئل کریگ کو ہالی ووڈ واک آف فیم کا ستارہ مل گیا

(24نیوز)جیمز بانڈ فلم کے سٹار ڈینیل کریگ  بھی   ہالی ووڈ واک آف فیم  کے ستاروں کی کہکشاں میں شامل ہوگئے ہیں ۔

تفصیلات کے مطابق ڈینیئل کریگ  کو  اپنی آخری جیمز بانڈ فلم کی ریلیز  کے ہفتے  میں  ہالی ووڈ واک آف فیم  کے ستارے سے نوازا گیا ۔ ڈینیئل کریگ واک آف فیم میں شامل ہونے والی2 ہزار 704 شخصیات  کا حصہ بن گئے ہیں۔ڈینیئل کریگ 2006سے  جیمز بانڈ کا کردار ادا کر رہے ہیں۔ کریگ صرف007 کا جاسوسی کردار ادا کرنے والے چوتھے اداکارہیں  جنہیں یہ اعزاز دیا گیا ۔ کریگ کا ستارہ راجرمور کے ساتھ رکھا  گیا ہے، جو 7007 ہالی ووڈ بولیورڈ میں ہے۔

ڈینیئل کریگ  نے کہا کہ ہالی ووٖڈ واک آف فیم  کا ستارہ ملنا ان کے لیے اعزاز کی بات ہے۔ کریگ نے کہا کہ “مائیکل ولسن اور باربرا بروکولی کا ، میں دل کی گہرائیوں سے شکریہ ادا کرتا ہوں ، آپ کے بغیر میں آج یہاں نہیں پہنچ سکتا تھا۔

ڈینیئل کریگ کی آخری جیمز بانڈ فلم نو ٹاٗم ٹوڈائی طویل انتظار  کے بعد کل  امریکہ میں ریلیز ہونے جارہی ہے جسے کورونا وبا کے باعث کئی بار ملتوی کیا گیا۔ 

یہ بھی پڑھیں:شاہ رخ نے اجے دیو گن کیساتھ اشتہارمیں کام کرنے سے انکار کر دیا ۔۔۔وجہ کیا بنی؟