کیلیفورنیا: اغواء کیے گئے پنجابی خاندان کے افراد کی نعشیں برآمد

(ویب ڈیسک) امریکی ریاست کیلیفورنیا سے چند روز قبل اغوا کئے گئے پنجابی خاندان کے 4 افراد کی نعشیں مل گئیں۔

غیرملکی خبر رساں ادارے کے مطابق امریکی ریاست کیلیفورنیا کی مرسڈ کاؤنٹی پولیس کا کہنا ہے چند روز سے اس خاندان کی تلاش تھی۔ ایک کسان کی اطلاع کے بعد چاروں کی نعشوں کو برآمد کیا گیا۔

یہ بھی پڑھیے: سابق پولیس افسر کی ڈے کئیر سینٹر میں فائرنگ، 34 افراد ہلاک

مرنے والوں میں 27 سالہ جسلین کور، 36 سالہ جسدیپ سنگھ، 39 سالہ امن دیپ سنگھ اور ایک آٹھ ماہ کی بچی شامل ہیں۔ بدقسمت خاندان کا تعلق انڈیا کے شہر ہوشیار پور سے تھا، اس خاندان کے چاروں افراد کو پیر کے روز مرسڈ کے کاروباری ادارے سے بندوق کی نوک پر اغواء کیا گیا تھا۔