(مانیٹرنگ ڈیسک) شوبز انڈسٹری کی معروف فنکار جوڑی منال خان اور احسن محسن اکرام کی شادی کی تقریبا ت شروع۔
تفصیلات کے مطابق عرصہ دراز تک خبروں کی زینت بنے رہنے والی جوڑی احسن محسن اکرام اور منال خان کی شادی رواں ہفتے جمعہ کو ہونا طے پائی ہے، اس جوڑی کی شادی کی تقریبات کا باقاعدہ آغاز آج شام سے ہوگا۔ اپنی شادی کی تقریبات سے متعلق اپنے مداحوں کو معلومات فراہم کرتے ہوئے احسن محسن اکرام کی جانب سے سوشل میڈیا انسٹا گرام پر دو کارڈ شیئر کیے گئے ہیں، جن میں سے ایک مایوں اور مہندی جبکہ ایک کارڈڈھولکی کی تقریب کا ہے۔
احسن محسن اکرم کی جانب سے شیئر کیے گئے ڈھولکی کے کارڈ پر لکھا ہے کہ ’احسن کی بہنوں اور پھوپھیوں کی جا نب سے ڈھولکی کی تقریب پر آپ کو خوش آمدید کہا جاتا ہے، آئیں اور اکرام فیملی کے ساتھ ڈانس کریں۔‘
واضح رہے کہ اس سے قبل اس خوبرو جوڑی کی جانب سے سوشل میڈیا انسٹا گرام پر اپنی شادی اور ولیمے کا کارڈ بھی شیئر کیا جا چکا ہے۔
یہ بھی پڑھیں: عمارت سے گرتی بلی کو ریسکیو کرنیوالے چاروں ہیروز کیلئے بڑے انعام کا اعلان