(ویب ڈیسک) بالی ووڈ اداکارہ انوشکا شرما نے اپنے شوہر اور بھارتی کرکٹ ٹیم کے کپتان ویرات کوہلی کی جیت کا جشن منایا۔ جب کوہلی کی قیادت میں بھارتی کرکٹ ٹیم ے انگلینڈ کے خلاف شاندار جیت درج کی تو کوہلی کی بیوی انوشکا کی خوشی کا کوئی ٹھکانہ نہیں رہا۔بھارتی ٹیم نے اوول ٹیسٹ جیت لیا ہے۔ اس موقع پر اداکارہ انوشکا نے اپنے شوہر کے ساتھ ساتھ پوری ٹیم کی تصاویر سوشل میڈیا پر شیئر کرکے اپنا پیار اور خوشی ظاہر کی ہے۔
بھارتی ذرائع ابلاغ کے مطابق انوشکا شرما نےویرات کوہلی کے ذریعے شیئر کی گئی تصویر کو اپنے انسٹاگرام سٹوری پر شیئر کیا ہے۔ اس تصویر میں پوری ٹیم انڈیا ایک ساتھ دکھائی دے رہی ہے۔ اس تصویر کو شیئر کرتے ہوئے ، کیپشن میں ، اداکارہ نے لکھا 'یہ ٹیم' اور اس کے ساتھ نیلے رنگ کا دل والا اموجی لگا کر اعتماد کا اظہار کیا۔
واضح رہے کہ کوہلی کی قیادت میں بھارت نے انگلینڈ کے خلاف چوتھے ٹیسٹ میچ میں 157 رن سے جیت درج کی ہے۔ اس کے ساتھ ہی بھارت نے پانچ ٹیسٹ میچوں کی سیریز میں 2-1 کی برتری بھی حاصل کر لی ہے۔ اس جیت کے بعد کپتان کوہلی کے جشن مناتے ہوئے وقت کی تصاویر کافی وائرل ہو رہی ہیں۔ جشن مناتے ہوئے ، کوہلی نے انسٹاگرام پر اپنی ٹیم کے ساتھ کئی تصاویر شیئر کی ہیں۔ اس کے ساتھ ، حوصلے بڑھانے والا کیپشن لکھا ہے 'مشکل حالات مضبوط بناتے ہیں'۔
بتادیں کہ انوشکا شرما ان دنوں اپنی بیٹی وامیکا کوہلی کے ساتھ انگلینڈ میں ہی ویرات کوہلی کے ساتھ ہیں۔ انوشکا اپنے شوہر ویرات کوہلی اور بھارتی ٹیمے ساتھ وقت گزار رہی ہیں۔کچھ دنوں سےویرات کوہلی اور انوشکا شرما سوشل میڈیا پر چھائے ہوئے ہیں ۔ویرات کوہلی اور انوشکا شرما انگلینڈ کے خلاف ٹیسٹ سیریز شروع ہونے سے پہلے ڈرہم اور ناٹنگھم گھوم رہے ہیں اور وہاں سے اپنی تصویریں شیئر بھی کررہے ہیں ۔ ویرات اور انوشکا کے مداح انگلینڈ سے شیئر کی جارہی ان کی تصویروں سے کافی متاثر نظر آرہے ہیں ۔ انوشکا شرما کی ان تصویروں پر ٹینس سپر سٹار ثانیہ مرزا نے بھی کمنٹ کیا ۔ ثانیہ نے انوشکا کی ان تصویروں پر دل کی دو ایموجیز شیئر کیں ۔
انسٹاگرام پر ایک گھنٹے کے اندر ویرات کے ذریعہ شیئر کی گئی تصویر کو 23 لاکھ سے زیادہ لوگوں نے لائیک کیا ہے ۔
یہ بھی پڑھیں: ٹیچرز ڈے پر کوچ کی طالبات کی موجودگی میں غیر مہذب ڈانس کی ویڈیو وائرل