(ویب ڈیسک) پاکستانی معروف گلوکار اور اداکار عاصم اظہر نے اپنی اور میرب علی کی شادی کے حوالے سے اعلان کرتے ہوئے مداحوں کے دل جیت لیے۔
بطور گلوکار یوٹیوب سے اپنے کیریئر کا آغاز کرنے والے عاصم اظہر نے نہ صرف پاکستانی عوام کو اپنی گائیکی سے محسور کیا بلکہ سرحد پار بھی اپنی آواز کا جادہ چلایا۔
حال ہی میں عاصم اظہر نے نجی پوڈکاسٹ میں بطور مہمان شرکت کی جس میں انہوں نے مختلف موضوع پر بات کرنے کے ساتھ ساتھ اپنے اور اداکارہ میرب علی کی شادی سے متعلق اہم اعلان کردیا۔
منگنی جیسی خاص تقریب کو نہایت سادگی سے سرانجام دینے کے بعد یہ جوڑا اپنی شادی سے متعلق کیا رائے رکھتا ہے عاصم اظہر سے اس بات سے پردہ اُٹھادیا۔
ہمیشہ سے ٹاک آف دی ٹاؤن رہے والے گلوکار کا دورانِ انٹرویو کہنا تھا کہ 'منگنی ہوئی ہے تو شادی بھی کبھی نا کبھی ہوجائے گی'
گلوکار کا کہنا تھا میں پرانے خیالات کا مالک ہوں اس وجہ سے میرے نزدیک خاندان کے فیصلے اور طور طریقے اہمیت رکھتے ہیں اس لیے اس بات کا فیصلہ مکمل طور پر میرےاور میرب کے والدین کریں گیں'۔
عاصم کا کہنا تھا کہ بڑوں اور گھر والوں کی رضامندی برکت کا سبب بنتی ہے اسی لیے ہمارا خیال ہے کہ شادی کے تمام کام گھر والوں کی مرضی اور انکی رضامندی سے انجام دیے جائیں گے'۔
شادی کے حوالے سے عاصم کا مزید کہنا تھا کہ ہر وہ چیز جس میں والدین کی رضامندی شامل ہو اس میں برکت ہے شادی کی تاریخ جب بھی طے پائے گی آپ سب کو معلوم ہوجائے گی۔
یاد رہے کہ اداکار و گلوکار عاصم اظہر اپنی فنی قابلیت کے سبب لاکھوں لوگوں کے دلوں میں راج کرتے ہیں۔