پاک فضائیہ کے شہداء کو سلام پیش کرتے ہیں: وزیرِ اعظم

(24نیوز)وزیرِ اعظم  شہباز شریف نے کہا کہ 7 ستمبر 1965ء کے دن پاک فضائیہ کے شاہینوں نے جرات و بہادری کی تاریخ رقم کی۔

یوم فضائیہ پر پیغام میں وزیرِ اعظم شہباز شریف نے پاک فضائیہ کو لازوال قربانیوں اور پیشہ ورانہ مہارت پر خراجِ تحسین پیش کیا ہے،ان کا کہنا ہے کہ پاک فضائیہ کے بہادر جوانوں نے اپنی بہادری سے دشمن کے ناپاک عزائم کو خاک میں ملا دیا تھا۔

 وزیرِ اعظم نے مزید کہا ہے کہ ایم ایم عالم نے 1 منٹ کے اندر دشمن کے 5 طیارے تباہ کر کے دشمن کے غرور کو خاک میں ملا دیا تھا، پوری قوم کو پاک فضائیہ پر فخر ہے،انہوں نے یہ بھی کہا ہے کہ وطن کی خاطر اپنی جانوں کا نذرانہ پیش کرنے والے پاک فضائیہ کے شہداء کو سلام پیش کرتے ہیں۔