’’عمراں لنگیاں پباں بھار‘‘اسد امانت کو بچھڑے 14 برس بیت گئے

(24 نیوز) کلاسیکل گائیک اسد امانت علی خاں کومداحوں سے بچھڑے 14 برس بیت گئے۔

 تفصیلات کے مطابق پٹیالہ گھرانے سے تعلق رکھنے والے مشہور گلوکار اسدامانت مرحوم 20 سال کے تھے کہ جب انکے والد استاد امانت علی خاں کا انتقال ہوا تھا۔ انھوں نے موسیقی کی تربیت اپنے دادا مرحوم استاد اختر حسین سے حاصل کی۔ بعد ازاں انھیں ان کے والد استاد امانت علی خاں اور تایا استاد فتح علی خاں نے بھی دی۔ اسد امانت علی خاں نے اپنے سب سے چھوٹے چچا استاد حامد علی خاں کے ساتھ جوڑی کے طورپرکلاسیکی گائیکی کا آغاز کیا۔اسد امانت علی خاں نے ریڈیو، ٹیلی ویژن اور فلم کے لیے سیکڑوں گیت اور غزلیں گائیں جن میں متعدد گیت اور غزلیں زبان زد عام ہوئیں ۔برصغیر کے متعدد نامور گانے والے ان کے پٹیالہ گھرانے کے شاگرد تھے۔ سابق صدر پرویز مشرف اور سابق وزیراعظم پاکستان شوکت عزیز ان کے پرستاروں میں شامل رہے۔انھیں گائیکی کے میدان میں گراں قدر خدمات سرانجام دینے پر پرویز مشرف کے دور میں صدارتی تمغہ برائے حسن کارکردگی بھی عطا کیا گیا۔ گلوکار اسد امانت علی خاں 54 سال کی عمر میں لندن میں علاج کی غرض سے گئے جہاں 8 اپریل 2007 میں انہیں دل کا دورہ پڑا جو جان لیوا ثابت ہوا۔ 

یہ بھی پڑھیں: 24 گھنٹے میں موذی  کورونا سے 98 اموات، 5329 نئے کیسز  درج