نوازشریف سے عالمی کرپٹو کرنسی ایکسچینج کےسابق سی ای او کی ملاقات ،ڈیجیٹل اکانومی پر تبادلہ خیال

(راو دلشاد) مسلم لیگ (ن) کے صدر و سابق وزیر اعظم نوازشریف سے  سب بڑی عالمی کرپٹو کرنسی ایکسچینج ڈیننس کے سابق سی ای او  اور بانی چانگ پنگ ژاؤ  نے ملاقات کی ، ملاقات میںملک میں ڈیجیٹل اکانومی پر تبادل خیال کیا گیا۔  

اس موقع وزیراعلیٰ مریم نواز  اورپاکستان کرپٹو کونسل کے سی ای او بلال بن ثاقب بھی ملاقات میں موجود تھے، نواز شریف اور وزیراعلی مریم نوا ز نےچانگ پنگ ژاؤکی پاکستان کرپٹو کونسل کے سٹریٹجک ایڈوائزر کے طورپر تقررکا خیر مقدم کیا ،چانگ پنگ ژاؤکا تقرر ویب تھری اور ڈیجیٹل فنانس میں ریجنل ہب کے طور پر پاکستان کی شناخت کے اظہار کے لئے معاون قراردیا۔ 

ملاقات میں ملک میں ڈیجیٹل اکانومی پر تبادل خیال کیا گیا جبکہ اختراعی علوم کے ذریعے ترقی کے ویژن کو اپنانے پر اتفاق بھی کیا گیا،ڈیننس کے بانی نے پاکستان میں3 مرتبہ وزیر اعظم رہنے والے مسلم لیگ (ن)کے صدر نوازشریف کے ایمرجنگ ٹیکنالوجیز کے فروغ کے وژن کو خراج تحسین پیش کیا ،ملاقات میں ڈیجیٹل اثاثہ جات اور فیوچرٹیکنالوجی میں نوجوانوں کی شراکت کے امور پر  بھی گفتگو کی گئی۔ 
 چانگ پنگ زاؤ نے ابھرتی بلاک چین ٹیکنالوجی اورگلوبل انٹر پرینیور شپ کے امکانات سے آگاہ کیا،ڈیجیٹل ٹرانسفارمیشن کے لئے جدید علوم کے رجحانات کے فروغ پر اتفاق بھی کیا گیا۔

 اس دوران گفتگو کرتے ہوئے نوازشریف  کا کہنا تھا کہ ژ اؤ جیسی قابل قدر شخصیات سے ملاقات میں ترقی اور مواقع کی نئی راہیں ہموار ہوتی ہیں،پاکستان اختراعی تبدیلیوں کا شراکت دار بننے کے لئے تیار ہے،پاکستان کو دورجدید کے تقاضوں کے مطابق تیز ی سے بدلتی ہوئی ٹیکنالوجیز کو اپنانا ہوگا۔ 
نوجوانوں کو آئی ٹی سکلز سکھا کر عالمی ڈیجیٹل مارکیٹ کے لئے تیار کررہے ہیں ۔ وزیر اعلی مریم نواز کا کہنا تھا  کہ پنجاب مستقبل کی ٹیکنالوجیز کو اپنانے کے لئے بالکل تیار ہے ،ہماری پوری توجہ نالج بیسڈ ٹیکنالوجی پر مرکوز ہے ،نالج بیسڈ ٹیکنالوجی نئی جنریشن کو اختراعی اور ڈیجیٹل انٹر پرائز کی راہ گامزن کرے گی ۔

ڈیننس کے سی اوچانگ پنگ زاؤ نے شاندار میزبانی مسلم لیگ(ن) قائد محمد نوازشریف کا شکریہ ادا کیا،چانگ پنگ ژاؤنے ڈیجیٹل علوم میں پاکستانی نوجوانوں کی صلاحتیوں کو سراہا۔

یہ بھی پڑھیں: اوپن مارکیٹ میں امریکی ڈالر 281.96 روپے پر برقرار