منفرد طریقے سے اے ٹی ایم لوٹنے کی کوشش۔۔ویڈیو وائرل

(ما نیٹرنگ ڈیسک) پولیس نے منفرد طریقے سے بینک اے ٹی ایم لوٹنے کی کوشش ناکام بنا دی، اہلکاروں نے چور کو رنگ ہاتھوں دھر لیا۔

تفصیلات  کے مطابق یہ  واقعہ ریاست تامل ناڈو میں پیش آیا جہاں ملزم نے دیوار سوراخ کرکے اے ٹی ایم سے پیسے نکالنے کی ناکام کوشش کی لیکن چور کی یہ چال الٹی ثابت ہوئی اور وہ خود ہی دیوار میں پھنس گیا جسے  پولیس نے گرفتار کرلیا۔پولیس جائے وقوعہ پر پہنچی تو ملزم اسی دیوار میں پھنسا ہوا تھا جسے اس نے سوراخ کرکے اے ٹی ایم سے رقم لوٹنے کی پلاننگ کی تھی۔ چور اے ٹی ایم کے پچھلے حصے سے پیسے نکا لنا چاہتا تھا۔

رپورٹ میں بتایا گیا کہ ملزم نے پتھروں کی مدد سے دیوار  پر سوراخ کیا۔ اے ٹی ایم سے مسلسل آواز آنے پر اطراف میں موجود لوگوں نے پولیس کو اطلاع دی، اہلکار پہنچے تو ملزم کو دیوار میں پھنسا ہوا پایا۔ چور نے خود کو نکالنے کی پو ری کو شش  کی لیکن ناکام رہا۔ پولیس نے اسے ریسکیو کرکے گرفتار کرلیا ہے۔یہ انوکھا واقعہ سوشل میڈیا پر بھی زیرگردش ہے۔

Tamil Nadu: Man gets stuck between ATM and wall while trying to steal money
Track latest news updates here https://t.co/LVTMDBzmMx pic.twitter.com/TNJIYDObr1

— Economic Times (@EconomicTimes) August 7, 2021

یہ بھی پڑھیں:انسٹا گرام پر 7.5 ملین فالورز رکھنے والی ثانیہ مرزا کا مداحوں کیلئے اہم پیغام