برین سٹروک کا شکار راہول رائے کی حالت بہتر

(24  نیوز)کارکل کی سخت سردی میں ایک فلم کی شوٹنگ کے دوران برین اسٹروک کا شکار ہونے والے بھارتی اداکار راہول رائے کی حالت تیزی سے بہتر ہورہی ہے۔

تفصیلات کے مطابق بھارتی فلم عاشقی کے ہیرو اداکار راہول رائے نے سوشل میڈیا پر ایک ویڈیو شیئر کیا ہے، جس میں وہ اپنی بہن کا سہارا لیکر کھڑے نظر آرہے ہیں۔ اس ویڈیو میں راہول کی بہن انکی طرف سے سبھی فینز کا شکریہ ادا کرتے ہوئے کہہ رہی ہے کہ ان کے بھائی کی حالت بہت بہتر ہے۔ ویڈیو کے ساتھ راہول نے لکھا ہے کہ ’’میں ٹھیک ہو رہا ہوں‘‘-
 انہوں نے مزید کہا کہ میرے سب دوست، فیملی والے اور مداح جو میرے لئے خاندان کی طرح ہے، انکا اتنا پیار اور دعائیں دینے کے لیے شکریہ، جلد ہی لوٹ کر آونگا-
یاد رہے کہ راہول رائے کو پچھلے ہفتہ کارگل میں ایک فلم کی شوٹنگ کے دوران برین اسٹروک ہوگیا تھا۔