شو بز چھوڑنے کا فیصلہ جنہوں نے سر اہا، شکر گزار ہو ں،زینب جمیل

 (24 نیوز )سابقہ اداکارہ زینب جمیل نے کہا ہے کہ ’اپنی روحانی نشوونما کے لیے عہد کریں، یہ آسان سفر نہیں ہے کیونکہ شیطان آپ کو آپ کے مقصد سے ہٹانے کے لیے بھرپور کوشش کرے گا۔‘زینب جمیل نے کہا کہ ’اگر آپ اس کا ارتکاب نہیں کرتے ہیں تو آہستہ آہستہ آپ اپنا نقطہ نظر کھو دیں گے اور ان لوگوں کی طرح بات کرنا اور سلوک کرنا شروع کردیں گے جو اپنے خالق کی پرواہ نہیں کرتے ہیں۔‘
تفصیلا ت کے مطا بق اس معنی خیز پوسٹ کو شیئر کرتے ہوئے زینب نے ان تمام لوگوں کا شکریہ ادا کیا جنہوں نے فیصلے پر ان کو سراہا ، ساتھ دیا۔ زینب جمیل نے کیپشن میں لکھا کہ ’میرے فیصلے پر آپ لوگوں نے جو ردعمل ظاہر کیا ہے اس کا شکریہ ادا کرنے کے لیے میرے پاس الفاظ نہیں ۔‘انہوں نے کہا کہ ’میں الفاظ میں یہ بیان نہیں کرسکتی ہوں کہ آپ کے پیغامات کو پڑھنے کے بعد میں آپ کی طرف سے ملنے والی محبت اور حمایت کے لیے کس قدر خوش ہوں۔‘زینب جمیل کا مزید کہنا تھا کہ ’استقامت کے ساتھ اس راستے پر چلتے رہنے کے لیے دعائوں کی ضرورت ہے۔

View this post on Instagram

A post shared by Zainab Jamil???? (@officialzainabjamil)

‘ زینب جمیل نے اپنی  انسٹاگرام پوسٹ میں بتایا تھا کہ ’میں فخر سے اس بات کا اعلان کر رہی ہوں کہ میں نے اداکاری اور ماڈلنگ چھوڑ دی ہے۔‘واضح رہے کہ زینب جمیل نے متعدد ڈراموں میں بھی کام کیا ہے جن میں خدا اور محبت، سدا سکھی رہو،سسرال میری بہن کا، منچلی، مل کے بھی ہم نہ ملے اور آپ کی کنیز شامل ہیں۔