(ویب ڈیسک)برطانیہ میں تیزہواؤں کے ساتھ طوفان "ڈراگ" کے نتیجے میں ہزاروں افراد بجلی سے محروم ہو گئے۔
غیرملکی خبر رساں ادارے کے مطابق برطانوی محکمہ موسمیات نے رات بھر تیز ہواؤں کے حوالے سے ویلز اور جنوب مغربی انگلینڈ کے کچھ حصوں میں ریڈ الرٹ جاری کیاتھا،حکومت نے 30 لاکھ افراد کو فون پربھی سائرن کی طرح الرٹ جاری کیا کہ رات گھر پرہی رہیں ۔
طوفان کے نتیجے میں شدید بارش کی توقع ہے جس میں پورے برطانیہ میں 100 سے زیادہ سیلاب کی وارننگز اور الرٹس جاری کیے گئے۔
شمال مغربی انگلینڈ کے لنکا شائر میں پولیس کاکہناہے کہ طوفان کے دوران ایک درخت وین پر گرنے سے ایک شخص کی موت ہو گئی۔
یہ بھی پڑھیں:بارش برسانے والا سسٹم پاکستان میں داخل،محکمہ موسمیات نے خبردار کردیا
اسکاٹ لینڈ کے گلاسگو سے ایڈنبرا تک اور مشرقی انگلینڈ میں کیمبرج اور اسٹینسٹڈ ہوائی اڈے سمیت کئی راستوں پر ٹرینوں کی آمدورفت میں بھی خلل پڑا یا انہیں معطل کر دیا گیا۔
آئرلینڈ میں ہوا کی وارننگ جاری کی گئی جس کے نتیجے میں 4 لاکھ لوگوں کو بجلی کے بغیر رہنا پڑا،ڈبلن ہوائی اڈے سے طوفان کی وجہ سے طے شدہ متعدد پروازیں منسوخ کر دی گئیں۔