پی ڈی ایم پہلے سے زیادہ مضبوط، ہمارا مسئلہ عمران کو لانے والے ہیں،کیپٹن صفدر

(24 نیوز)مسلم لیگ ن کے رہنما کیپٹن(ر)صفدر کاکہنا ہے کہ پی ڈی ایم کے بارے میں افواہیں پھیلانے والوں کا منہ کالا ہوگیا ،پی ڈی ایم پہلے سے زیادہ مضبوط اور متحد ہے،عمران خان گھر جائے گا اوردوبارہ الیکشن ہونگے،عمران خان ہمارا مسئلہ نہیں عمران خان کو لانے والے مسئلہ ہیں۔
نوشہرہ میں جلسے سے خطاب کرتے ہوئے کیپٹن (ر)صفدر کاکہناتھا کہ مولانا فضل الرحمن منجھے ہوئے سیاستدان ہے اورسیاست کے داو ٔپیج سے خوب واقف ہے ،لانگ مارچ کب کرنا ہے، استعفے کب دینے ہیں یہ مولانا فضل الرحمان بہتر سمجھتے ہیں ۔
مسلم لیگ ن کے رہنما نے کہاکہ نواز شریف کہتا ہے کنویں کو بار بار صاف نہ کرو،نیا کنواں کھودو اب ہم نیا کنواں کھودے گے،ان کاکہناتھا کہ بلاول بھٹو کی عدم اعتمادکی تجویز ایک اچھا آپشن اورجمہوری طریقہ ہے ،کیپٹن(ر)صفدر نے کہاکہ میدان جنگ میں جو آپشن بہتر ہوتا ہے وہ استعمال ہوتا ہے، بلاول کا آپشن بھی زیر غور ہے۔