میسجنگ  فیچر میں اہم تبدیلی۔۔واٹس ایپ نےصارفین  کو بڑی سہولت دیدی

(ویب ڈیسک)پیغام رسانی کی دنیا کی سب سے بڑی ایپلی کیشن واٹس ایپ اپنے صارفین کیلئے آئے روز نئے نئے فیچر متعارف کرواتی رہتی ہے اور اب صارفین  کیلئے میسج کے ڈیلیٹ فار ایوری ون فیچر میں زبردست سہولت فراہم کردی۔

واٹس ایپ میں غلطی سے کوئی میسج کردیا جائے تو اسی ڈیلیٹ کرنے کیلئے مذکورہ فیچر موجود ہے لیکن صارفین کو اپنا پیغام ایک گھنٹے 8 منٹ اور 16 سیکنڈز کے اندر ڈیلیٹ کرنا ہوتا ہے بصورت دیگر سب کیلئے ڈیلیٹ کا آپشن نہیں آتا تاہم اب صارفین کو اہم ریلیف ملا ہے۔

واٹس ایپ کے فیچرز اور خبروں پر نظر رکھنے والی ویب سائٹ ’’ڈبلیو اے بیٹا انفو‘‘ کے مطابق ایپ کے بیٹا ورژن میں نئی اپڈیٹ سامنے آئی ہے جس کے تحت میسج ڈیلیٹ کرنے کی مہلت 2 دن 12 گھنٹے یا 36 گھنٹے ہوجائے گی۔ کمپنی میسجز ڈیلیٹ کرنے کیلئے وقت کا دورانیہ بڑھا رہی ہے۔یہ سہولت فی الحال واٹس ایپ کے بیٹا ورژن صارفین کیلئے ہے، ایپ کے تمام یوزرز کیلئے یہ آپشن کب آئے گا یہ کہنا ابھی قبل از وقت ہوگا۔

یہ بھی پڑھیں: ڈرائیونگ لائسنس حاصل کرنیوالوں کیلئے  بڑی خوشخبری