( 24نیوز )شاہ رخ خان کی سپر ہٹ فلم پٹھان نے 13 دنوں میں ہی کے جی ایف 2 کا ریکارڈ توڑ ڈالا، ہندی سینما کی دوسری بڑی کمائی والی فلم بن گئی ۔
تفصیلات کےمطابق بالی ووڈ کنگ شاہ رخ خان کی فلم پٹھان کو ریلیز ہوئے 13 دن گزر چکے ہیں لیکن ابھی تک پٹھان کا بخار دنیا بھر میں سر چڑھ کربول رہا ہے، فلم نے اب تک بھارت سے 438 کروڑ روپے اکٹھے کر لیے ہیں جبکہ دنیا بھر سے 832 کروڑ روپے کما لیے ہیں۔
شاہ رخ خان کی فلم پٹھا ن نے گزشتہ کئی فلموں کے ریکارڈ توڑے ہیں ، سپر ہٹ اور بلاک باسٹر فلم کے جی ایف 2کا بھی ریکارڈ توڑ ڈالا ہے جبکہ انڈین فلم انڈسٹری کی سب سے زیادہ کمائی کرنے والی فلم ”باہو بلی “ سے پیچھے ہے ۔
انڈین تجارت کے ماہر ’’تران ادش‘‘ کا کہنا ہے کہ فلم پٹھان اپنی ریلز کے 13 ویں دن انتہائی مضبوطی کیساتھ سینما گھروں میں موجود ہے اور بہترین کمائی کر رہی ہے اس کے باوجود کہ سینما گھروں نے ٹکٹس کی قیمت میں کمی ہے اس کے باوجود کمائی بتدریج جاری ہے ۔