امریکی دھمکی حقیقت پر مبنی،سنجیدگی سے لینا چاہیے: کینیڈین وزیر اعظم

(24 نیوز)کینیڈا کے وزیراعظم جسٹن ٹروڈو نے اپنے ساتھیوں کو خبردار کیا ہے کہ امریکا کے صدر ڈونلڈ ٹرمپ کی جانب سے کینیڈا کو ہتھیانے کی دھمکی حقیقت پرمبنی ہے۔

غیر ملکی میڈیا رپورٹس کے مطابق کینیڈین وزیر اعظم جسٹن ٹروڈو نے کہا ہے کہ ڈونلڈ ٹرمپ کی کینیڈا کو ہتھیانے کی دھمکی حقیقت پرمبنی ہے۔ ٹرمپ کی نظریں کینیڈا کی انتہائی اہم معدنیات پر ہیں، کینیڈا کوامریکی خطرے کو سنجیدگی سے لینا چاہیے۔

امریکی میڈیا کے مطابق کینیڈین وزیراعظم نے جب یہ بات کہی اس سے پہلے مقامی میڈیا کو کمرے سے باہر نکال دیا گیا تھا۔

تاہم ٹورانٹو اسٹار اور سی بی سی نے کینیڈین وزیراعظم کی آواز ریکارڈ کرلی تھی۔ 

مزید پڑھیں:ٹرمپ نے کینیڈا کو ایک بار پھر امریکا کی 51 ویں ریاست بنانے کی خواہش ظاہر کر دی 

 جسٹن ٹروڈو نے بزنس لیڈرز کو ٹورانٹو میں پس پردہ میٹنگ میں بتایا ہے کہ ڈونلڈ ٹرمپ کینیڈا کے معدنی وسائل کی وجہ سے اسے امریکا کی51  ویں ریاست بنانا چاہتے ہیں  اوراسی لیے کینیڈا کو اس خطرے سے کو سنجیدگی سے لینا چاہیے۔ 

ٹروڈو نے کہا کہ امریکا جانتا ہے کہ ہمارے وسائل کیا ہیں اور وہ ان سے فائدہ اٹھانا چاہتا ہے۔ تاہم ٹرمپ سمجھتے ہیں کہ آسان ترین طریقہ کینیڈا کو ضم کرنا ہے۔

مزید پڑھیں:ٹرمپ نے عالمی فوجداری عدالت پرپابندیاں عائد کردیں

واضح رہے کہ  امریکا کے صدر ڈونلڈ ٹرمپ نے کہا تھا کہ وہ کینیڈا کے خلاف اقتصادی قوت استعمال کریں گے اور کینیڈا کو امریکا کی 51 ویں ریاست بننا چاہیے۔

جس پر کینیڈا کے وزیراعظم جسٹن ٹروڈو نے امریکا کے نومنتخب صدر ڈونلڈ ٹرمپ کو کرارا جواب دیتے ہوئے کہا تھا کہ کینیڈا قیامت تک امریکا میں ضم نہیں ہوگا۔