(احسان عباسی )پی سی بی بورڈ آف گورنرز کا اجلاس،بی او جی نے قذافی سٹیڈیم کی 117 دنوں میں تکمیل پر چیئرمین پی سی بی محسن نقوی کو خراج تحسین پیش کیا۔
تفصیلات کے مطابق پاکستان کرکٹ بورڈ کے بورڈ آف گورنرز کے اجلاس میں چیئرمین پی سی بی محسن نقوی کو قذافی سٹیڈیم کی 117 دنوں میں تکمیل پر خراج تحسین پیش کیا گیا ۔
بی او جی ممبران نے کہا کہ محسن نقوی نے ناممکن کو ممکن بنا کر دکھایا،انتہائی قلیل مدت میں ایسا خوبصورت سٹیڈیم صرف محنت سے بنا ہے، ہم خود بھی حیران رہ گئے ہیں اور یقین نہیں آرہا کہ سٹیڈیم بن گیا ہے۔
مزید پڑھیں:قذافی سٹیڈیم تزئین و آرائش کیلئے مزدوروں نے دن رات کام کیا،چیئرمین پی سی بی
چیئرمین پی سی بی محسن نقوی نے کہا کہ یہ میرا انفرادی کام نہیں، پوری ٹیم کو کریڈٹ جاتا ہے، اللہ تعالٰی کا شکر گزار ہوں کہ ہماری مخلصانہ کاوشوں کو ثمر بار کیا، تنقید کی پرواہ نہیں کی اور اللہ تعالیٰ کے سہارے آگے بڑھے، میری پوری ٹیم خصوصاورکرز نے خواب کو حقیقت کا روپ دیا۔
اجلاس میں بورڈ آف گورنرز کی گزشتہ میٹنگ کے فیصلوں کی توثیق کی گئی،اجلاس میں چیف آپریٹنگ آفیسر سمیر احمد، چیف ایگزیکٹو آفیسر پی ایس ایل سلمان نصیر، چیف فنانشل آفیسر جاوید مرتضی شامل ، پی سی بورڈ آف گورنرز کے ممبران ظہیر عباس، انوار غنی، دانیال گیلانی، طارق سرور، سجاد علی کھوکھر، ظفر اللہ اور دیگر نے شرکت کی۔