فو ل پروف سکیورٹی،چیمپئنز ٹرافی کیلئےفوج تعینات ہو گی

(24 نیوز )آئی سی سی چیمپئنز ٹرافی 2025ء ٹورنامنٹ کے لیے فول پروف سکیورٹی انتظامات کے سلسلے میں وفاقی حکومت نے پاک فوج اور رینجرز کو تعینات کرنے کا فیصلہ کر لیا ہے۔

ذرائع کے مطابق وفاقی کابینہ سے پاک فوج اور رینجرز کی تعیناتی کی منظوری حاصل کر لی گئی ہے،وزارت داخلہ نے سکیورٹی اداروں اور صوبائی ہوم ڈیپارٹمنٹس کو ہدایات جاری کردیں, پاک فوج کی تعیناتی آئین کے آرٹیکل 245 کے تحت کی جائے گی۔

ذرائع کابینہ ڈویژن کے مطابق سیکیورٹی کے لیے رینجرز کی تعیناتی انسدادِ دہشت گردی ایکٹ 1997ء کے تحت ہو گی۔

 مزید پڑھیں:وزیراعظم شہبازشریف کا شاہین آفریدی کو مشورہ، شرکا کی ہنسی نکل گئی
 واضح رہے کہ پاکستان کی میزبانی میں ہونے والے اس شاندار ٹورنامنٹ کا آغاز 19 فروری کو کراچی کے نیشنل اسٹیڈیم میں ہو گا، جہاں پاکستان اور نیوزی لینڈ کے درمیان افتتاحی میچ کھیلا جائے گا۔

اس ٹورنامنٹ میں پاکستان، بھارت، آسٹریلیا، انگلینڈ، جنوبی افریقا، بنگلا دیش، افغانستان اور نیوزی لینڈ کی ٹیمیں شرکت کریں گی۔