اسرائیلی قید سے رہا فلسطینی کی بس کی کھڑکی سے ہی ایک ہاتھ سے ہوائی فائرنگ

(ویب ڈیسک)مقبوضہ مغربی کنارے میں اسرائیل کی قید سے رہا ہونے والے فلسطینی کی ریڈکراس بس کی کھڑکی سے ایک ہاتھ سے فائرنگ کی ویڈیو وائرل ہوگئی۔

غزہ معاہدے کے تحت قیدیوں کے تبادلے کا پانچواں مرحلہ آج مکمل ہوگیا۔ آج مقبوضہ فلسطین کی مزاحمتی تنظیم حماس نے تین 3 اسرائیلی قیدیوں کو دیر البلاح سے رہا کیا۔

حماس نے 56 سالہ اوہاد بن ایمی، 52 سالہ ایلی شرابی اور 34 سالہ اور لیوی کو رہا کیا جنہیں خصوصی طور پر بنائے گئے اسٹیج پر لایا گیا جس کے بعد انہیں ریڈ کراس کی کمیٹی کے سپرد کیا گیا۔ 
اسرائیل نے بھی جیلوں میں قید 183 فلسطینی قیدیوں کو رہا کردیا جن میں 18 ایسے قیدی شامل ہیں جو عمر قید اور 54 لمبی قید کی سزا کاٹ رہے تھے۔مقبوضہ مغربی کنارے پہنچنے پر فلسطینیوں قیدیوں کا والہانہ استقبال کیا گیا اور پھولوں کی پتیاں نچھاور کی گئیں۔

اسرائیل عقوبت خانوں میں سالوں سے قید اپنے پیاروں سے ملنے پر رقت آمیز مناظر بھی دیکھے گئے۔ اسرائیلی قید سے رہا فلسطینی نے ریڈکراس بس کے باہر سے فلسطینی جنگجو سے کلاشنکوف لی اور ایک ہاتھ کھڑکی سے باہر نکال کر ہوائی فائرنگ کرکے اسرائیل سے مقابلے کا عزم کا اظہار کیا۔ واقعے کی ویڈیو سوشل میڈیا پر وائرل ہوگئی۔
 یہ بھی پڑھیں:دہلی اسمبلی انتخابات؛مودی سرکار نے کتنی نشستیں جیت لیں؟عام آدمی پارٹی کیلئےبڑاسرپرائز