( 24نیوز) تنظیمی عہدوں کی تقسیم پرمتحدہ قومی مومنٹ( ایم کیو ایم) پاکستان اختلافات کا شکار ہوگئی ہے جس پر کارکنان نے بہادرآباد دفتر پر دھاوا بول دیا اور ’گو ٹیسوری گو‘ کے نعرے لگائے۔
میڈیا رپورٹس کے مطابق کارکنان کی جانب سے اچانک بہادرآباد مرکز پر دھاوا بولا گیا جن کا مؤقف یہ تھا کہ پارٹی گورنر ہاؤس سے نہیں بلکہ بہادرآباد سے چلے گی، گزشتہ روز بغیر مشاورت کے سرکلر جاری کیا گیا، احتجاج کے دوران کارکنان پارٹی رہنماؤں سے دست و گریباں بھی ہوئے۔
میڈیا رپورٹس میں کہا گیا ہے کہ ایم کیو ایم پاکستان میں تنظیمی عہدوں کی تقسیم پر متعدد رہنما ناراض ہیں جس کے بعد پی ایس پی کا ایم کیو ایم میں انضمام بھی خطرے میں پڑ گیا ہے۔
میڈیا رپورٹس کے مطابق متحدہ قومی موومنٹ کے رکن قومی اسمبلی مصطفیٰ کمال اور سینیئر رہنما انیس قائم خانی نے آفیشل وٹس ایپ گروپ چھوڑ دیا ہے۔
یہ بھی پڑھیں: پی ٹی آئی پرتشدد احتجاج کی ہوم گراؤنڈ کی طرف جانا چاہتی ہے،عرفان صدیقی